الدكتور حسن الترابي

نحن مجموعة سودانيين مقيمين بليبيا وعادة في الامسيات بعد العوده من العمل نتناول وجبة العشاء كمجموعه وبعد العشاء والشاى المنعنع نفتح مواضيع للنقاش واحيانا للثرثره وفي يوم ما اثناء النقاش عن احوال السودان السياسيه ذكر اسم الدكتور حسن الترابى تكلمنا عنه كثيرا وكل واحد فينا ادلي بدلوه عن الدكتور لكن النقطه التي حصل فيها جدل طوىل هي قبيلة حسن الترابي منهم من قال انه من المناصير من شمال السودان ومنهممنقال انه من العبدلاب ومن قال من الجوامعه بس عندنا واحد من المجموعه كان متاكد ومصر اصرار غير عادي انو الترابي برقاوى صليحابي وبما انني متواجد في منتدي الصليحاب رأيت انو هذا هو المكان والزمان المناسبين لطرح الموضوع وكل من له علاقه بالموضوع يمكن ان يدلو بدلوه ولكم الشكر اجزله

شخصية الترابي يا أخي العزيز يكتنفها كثير من الغموض من ناحية قبيلته فالشيخ نفسه يقول انه لايحبز الانتماءات القبلية الضيقة فهو سوداني وكفى ومرة يقول انه بديري وكثيرون غيره يقولون أنه برقاوي صليحابي وقد أكد لي احد اجدادي وهو حي حاليا انه تربى مع الترابي في قرية واحدة ويعرف اسرته اصلا وفصلا بأنه برقاوي صليحابي .
واقول ان الشيخ الترابي له علاقةرحم قوية بالصليحاب بدليل أن دائرة المقربين منه تضم اسماء معروفة من الصليحاب ك د/عبدالمنعم ابو بكر وغيره وهم من اخلص المقربين اليه.

وللمعلومية رطاني درجة اولى زامشى ارطن معاه على انفراد بيرد عليك على طول على عهد الراوي الذي عاصره وخالطه .

ههههه والله مفاجاه لانو ابراهيم السنوسى صليحابى وعبدالمنعم ابوبكر ده زوج اختى بس عمره ما كلمنا بالحكايه دى كدى امشى اتاكد احسن

السلام عليكم ورحمة الله وبركاته
اعرفكم بنفسي اخوكم يوسف عبدالله عيسي عبدالله من مواليد مدينة واو حيث قدم والدي المشهور باسم الفكي / عبدالله عيسي عبدالله من قرية ود الترابي بالجزيرةوله شقيقته اسمها كوثر عيسي عبدالله وقدر الله ولم اتمكن من مقابلة اي من اعمامي وعماتي
وقبيلة برقو صليحاب وعليه نرجو شاكرين الافادة وجزاكم الله خيرا

يا اخى امشى قرية ود الترابى وقول ليهم ماشى كرنجكه او قرنجكه ركز كويس يا يوسف عبدالله عيسى ركز على اسم القريه هناك تلقى اهلنا كلهم ووريهم العندك ويمكن تلقا اعمامك هناك ويمكن تطلع ود عمنا نحنا زاتنا المهم امشى واسال من بيت عمك محمد ابو لجينه هو مات الا خيرو موجود قول عايز عبداللطيف محمد ولا الهادى ولا صلاح الدين واحكى ليهم حكايتك والله يسهل عليك