من مكتبة الشاعر التجاني حاج موسى ( من بعد ما فات الاوان )

من بعد ما فات الاوان
---------------------------------------------


من بعد ما فات الاوان
اللية جاي بتعتذر
ترجع ايامنا الزمان
من وين اجيب ليك العمر ؟


فرحت بيك مديت
دروب الريد سماح
و غزلتا ليك طيبة مشاعري
غطا و وشاح
لاكني وا ضيعة رجاي
رديتني مكسور الجناح
و سقيتني بعد الحلوه مر
من وين اجيب ليك العمر؟


يا البي غرورك كم قسيت
كان ظني فيك تكون حنين
في سكة الشوق بالسنين
و براي بالنار إنكويت
و صليتني بعد الفرقة بين
لحد ما كمل الصبر
من وين اجيب ليك العمر ؟



****************