من مكتبة الشاعر إسحق الحلنقي ( إنت مافي )

من مكتبة الشاعر إسحق الحلنقي ( انت مافي )



انت مافي
اي حاجة بتبقى مافي
الشمس تلقاها مافي
و البحر من غير مرافي
المدن بتكون منافي
و الحبيب يبقى جافي
و العسل ما ببقى صافي
و انت مافي
******

انت مافي الروح تفارق
ويبقى موج النيل مفارق
و الشروق ينسى المشارق
و النسيم للروض يشاهق
و الصباح ما يبقى شارق
وانت مافي
******

وانت مافي منو البسالم
ويبقى منو الامو سالم
و الزمن يصبح مظالم
و الحنين يبقى ظالم
و تمسح الاحزان عوالم
و انت مافي
******

انت مافي الناس تغيب
و الحبيب ينسى الحبيب
الدمع يصبح قريب
و الطبيب ما يبقى طيب
كيف يكون في الدنيا طيب
و انت مافي
******