من مكتبة الشاعر سيف الدين الدسوقي ( مشوار )

مشوار
--------------------------------------------------------



بتعرف إني من أجلك مشيت مشوار سنين و سنين
مشيت في الليل إلى الغربة على الكلمات و دمع العين
و عشتك لما فارقتك حروف تتغنى بيك حنين
بتعرف؟ انت ما بتعرف انحن بحبكم هايمين


و دارت دورة الايام و نحن مع الزمن أغراب
متين تتحقق اللقيا و متين يتقابلو الاحباب
شربنا دموعنا ما روينا حملنا الشوق ملانا عذاب
و قلنا نجرب الصحراء جنينا تعبنا كله سراب


قليل في حقك المشوار بدور من أجلك امشي كمان
و تحفى رجولي تقطر دم و ابقى على الطريق عطشان
محبة كبيرة في قلبي و دعوه تمجد الإنسان
و إنت نموذجي الطيب .. نموذج يلهم الفنان



**********

من اروع ما غردت به الفانات البلابل

تسلمي ام عزة على المشاركة الشعرية جميل ان تذكري باصالة الفن والكلمة